黃榕澳洲捽碟朝朝擦蠔補身

憑寫真戰人氣再升的性感女星黃榕（Gloria），早前獲邀到澳洲悉尼捽碟，首次到當地的她心情興奮，不忘到處參觀。最令她印象深刻的是到動物園與袋鼠作近距離接觸，但可惜因為遲入場，未能親親樹熊，只好摸猩猩石像補數。
Set了爆炸頭上陣捽碟的黃榕，少不了大晒事業線。
Set了爆炸頭上陣捽碟的黃榕，少不了大晒事業線。

Gloria表示此行主要是狂食，每日早餐都有海鮮及生蠔，幸好天生食極唔肥，令人羨慕！問到可有艷遇？她直言認識了不少外籍靚仔，不過都是同性戀者：「我識親嘅男仔都唔會鍾意我，不過算啦！我都有男朋友。」

黃榕每朝都有海鮮醫肚。
  • 黃榕每朝都有海鮮醫肚。