莊思敏曾經深愛夜半偷泣

拿督女莊思敏（Jacquelin）跟吳浩康Deep拍拖，外間一直指兩人的關係為女尊男卑，但Jacquelin否認這是分手原因，卻是例牌的性格不合，她說：「拍拖兩年問題已經開始存在，不過當時大家都好努力去遷就同包容，但相處愈耐，就愈發覺性格同生活係有距離，大家經常有分歧，好多時為咗啲小事就嗌交，後來發展到每個月都會吵一次大鑊。」Jacquelin又謂最不喜歡Deep常把「分手」掛在口邊，令她感到對方並不重視這段感情。

愛情觀改變

吳浩康曾表示希望復合，卻遭莊思敏公開拒絕，她說：「復合機會好微，因為今次我哋分手係經過深思熟慮嘅結果，之前大家都好認真咁傾過，覺得分手係唯一出路。」她坦言至今心情忐忑，仍難捨五年情，她續說：「一個人靜落嚟嘅時候，就會好唔開心，有時諗番以前嘅片段，都會忍唔住喊。」

放大圖片	莊思敏與吳浩康結束五年情，雙方都依依不捨。

Jacquelin謂結束這段情後，對愛情觀也有所改變，短期內不會拍拖，她認為要先了解對方的性格或背景，才嘗試開始，因為不想再浪費時間，重蹈覆轍。

文：名人組