C AllStar茶餐廳歎珍饈

組合C AllStar唱得人人都知,原來他們也是「食得之人」,平時最愛到茶餐廳醫肚,他們表示雖然茶餐廳到處都有,不過要找一間「認真」的茶餐廳卻不容易!

成員On仔說:「我哋平時好鍾意去呢間茶餐廳,因為佢哋夠『認真』,好似呢件西多士咁,做得好少油,食落一啲都唔膩,而且奶茶茶味香,奶味夠,我係『重奶人』,所以好鍾意!」

成員釗鋒則大讚這裏的食物很特別:「好似呢碟『黑松露炒蛋』咁,茶餐廳竟然諗到用黑松露,你聽過未?價錢仲合理。」阿King表示自己是咖啡專家,每朝一定要飲一杯咖啡:「一般茶餐廳嘅咖啡會好酸,佢就一啲都唔會,而且回味唔苦,甘甘哋,算係好唔錯!」

最後是盛讚「奶油豬」的成員阿Jase:「咖啡係唔錯,如果配埋奶油豬就perfect!好多地方嘅奶油豬都會好堅韌,呢個啱啱好!」

場地:華星冰室

食物贊助:C AllStar監製阿簡