鄭綽芹發音唔正「9個淫」
女模鄭綽芹（Emma）入行兩年，近日為政府拍攝禁毒網劇，她說能參演只是僥倖：「之前個模特兒因為檔期拍唔到，我執二攤，我啲戲差到爆，做得好唔自然，大家睇片就知。咬字有問題，9個人講到變9個『淫』。我喺盧森堡出世，讀國際學校，接觸法文同英文多，比較遲接觸廣東話，所以咬字唔正。」
自言演技勁差的Emma自爆拍攝時狂NG，連累工作人員「焗桑拿」，她說：「有次喺個冇冷氣嘅禮堂度拍攝，NG咗成三十次，導演冇當面鬧我，但有黑面，我一路拍就一路怯，大家都唔耐煩。（點慰勞佢哋？）冇呀，點算？講笑話得唔得？」