冼色麗初拍陳柏宇被拋窒

陳柏宇（Jason）與冼色麗（Bonnie）因為合作電影《喜愛夜蒲》混熟，Bonnie笑指首日與Jason開工即被對方「拋窒」，她笑謂：「當時佢表現得好cool，插住個褲袋，又唔會望你，好似好難溝通咁；後來熟啲，就知道佢份人其實好低能同好好人。呢排我學緊結他，佢都有叫我send啲片畀佢聽，畀意見我；雖然佢拍戲仲算新人，但好快上手，提佢少少已經get到。」
冼色麗學結他，獲陳柏宇提點。
冼色麗學結他，獲陳柏宇提點。

戲中飾演蒲場殺手的Jason，笑言所演角色很「賤格」，最大挑戰是要演繹在溝女方面信心爆棚的人：「我喺呢方面冇乜信心，好彩個化妝同條黑色眼線幫到我。」談到與何佩瑜（Jeana）的情慾戲，Jason笑言拍攝時很緊張，一度要喝酒壯膽，並指拍完床戲後有罪惡感：「總覺得好似有嘢對唔住人，似偷食咁，但其實我又冇對任何人唔住喎。」

陳柏宇演賤男，拍完床戲有罪惡感。
  • 陳柏宇演賤男，拍完床戲有罪惡感。