袁偉豪緊張標汗漱定口
黃智雯、袁偉豪於灣仔拍攝一場激咀戲份，處男下海的袁偉豪比女方還要緊張，更笑言標晒汗，而黃智雯的螢幕初吻之前已獻給羅仲謙，相比之下有經驗的她較淡定。
黃智雯（Mandy）、袁偉豪日前於灣仔為劇集《On Call 36 小時》拍攝一場激情接吻戲，劇情講述飾演實習醫生的Mandy主動追求風流醫生袁偉豪，原來今次是袁偉豪的螢幕初吻，而Mandy則坦言自己的螢幕初吻已於劇集《搜下留情》中獻給羅仲謙，難怪袁偉豪拍攝前比Mandy還要緊張，臨咀前還用漱口水漱口，反而Mandy笑着對他謂：「唔使啦！」袁偉豪拍攝前謂：「真係好緊張，我標晒汗呀！頭先放飯都唔敢食啲太濃味嘅嘢。」
拍三次完成
埋位拍攝時，Mandy先攬着袁偉豪的頸，劇情講袁偉豪先理智拒絕她，但之後情不自禁下，二人即激吻起來，這個激吻鏡頭一共拍了三次才完成。問到Mandy曾否主動追求男仔時，她謂：「我未試過，現實中嘅我好被動，之前拍過兩次拖，都係好自然大家便一起，最長一段維持了四年。」問到袁偉豪有否女仔自動獻身時，他尷尬的謂：「未試過，依家都好少女仔咁主動，拍戲就有啫！」
齊齊撐謙仔
此外，近日新聞多多的羅仲謙都有參與此劇，二人之前都與他合作了多部劇集，對於被指打傅穎，被雜誌指謙仔追求過的Mandy謂：「我認識嘅佢係好gentlemen，人哋嘅嘢我唔應該評論，但我會撐謙仔，（佢開工心情點？）影響一定有，知佢壓力好大，不過做拍檔會支持佢。」而袁偉豪亦力撐謙仔謂：「以我認識嘅佢，打女人一定唔會，佢係好有風度嘅男仔。」拍攝港姐台灣外景時，袁偉豪都有在場，說到有指謙仔追港姐13號蔡慧欣，袁偉豪謂：「我又唔覺有喎！佢哋有啲喺外國返嚟，態度係親切啲，但並唔係大家諗嗰隻囉！」
文：影視組