薛凱琪享受互動愈玩愈細

Fiona早前舉行「Moov Live」音樂會演唱新碟的歌曲，現場只能容納數百歌迷，卻氣氛熱爆令Fiona過足癮，她說：「好鍾意呢種場地，唔似企喺紅館啲大舞台，感覺好表演者，但呢種就可以同Fans距離好近，佢哋就坐正我面前聽我唱歌，可以好直接同佢哋傾偈，清楚睇到歌迷啲表情同反應，感覺好互動。」

至於Fiona除演唱新歌，挑選了多首滄海遺珠的歌曲，其中一首《給十二年後的我》，Fiona要自我挑戰，她坦言：「我好少揀呢首歌唱，因為每次唱我都忍唔住喊，因為啲歌詞觸動到自己，好驚一感動就唱唔到。」不過，她笑言當晚忍淚成功把歌曲完美演繹。而Fiona有感動亦有搞笑一面，她將當年熱爆歌《886》用慢版來演唱，但依舊配合獨有的「甩骨舞姿」，引來歌迷爆笑。

薛凱琪成功控制淚腺，得以順利演繹觸動她心靈的歌曲。

薛凱琪早前演出小型音樂會，與歌迷近距離接觸。

補習法文拍電影

完成新碟宣傳，Fiona隨即投入新片拍攝，她已開始學法文，為年底開拍的電影做準備，她說：「讀中學時有學過法文，事隔咁多年已經唔記得，惟有搵私人老師教授。」搵個法國男友最實際？Fiona笑言：「我未試過同外國人拍拖喎，為部戲去學外語，我應該唔會囉！」

文：音樂組　　　　　髮型：Jo Lam@Orient 4

化妝：Jessica Chan　 場地：Homei