Anjaylia搵啤梨Sweet搵銀

首次演舞台劇的o靚模Anjaylia將與啤梨、梁榮忠等合演舞台劇，更於劇中跟啤梨飾演一對情侶。雖然二人沒有親密戲份，但就通晒電，甜蜜程度可謂一拍即合。Anjaylia更話如果再有機會可以考慮情侶檔搵銀。

啤梨則笑言找到一種初戀的感覺，他說︰「同佢喺戲度談戀愛確實有初戀感覺，好有拍拖feel，不過之前真係唔知佢咁細個，但佢好犀利，初時綵排已經好入戲。」

Anjaylia與啤梨首次合作演舞台劇，演情侶一拍即合，充滿默契。

右起：梁榮忠、Anjaylia與啤梨一齊合作舞台劇。

「神經」女絕無公主病

Anjaylia表示戲裏戲外啤梨都十分照顧她，更會討論護膚心得，她說︰「你都知男仔唔會點護膚，對護膚品唔太在行，所以有時自己買開化妝品，會幫佢買埋，不過大家未試過唔使埋位一齊敷mask。」在旁的啤梨更踢爆她十分大食，他說︰「估唔到佢咁鍾意食嘢，人仔細細原來咁擦得，成日請我食嘢。」Anjaylia則為自己辯護︰「我自己唔餓得，同埋一個人食唔安樂，我喺度係負責提供食物。」

此外，Anjaylia透露在劇中飾演一個有情緒病的富家女，不過她強調自己沒有「公主病」，問到角色與現實是否不同，她笑言︰「都幾似現實嘅我，我現實有啲神經質！」

文︰專案組 攝︰吳文聰

場地︰Banana