周柏豪遇同性示愛嚇到呆

周柏豪早前推出的專輯《本体分烈》反應理想，吸引不少內地主辦單位邀他返內地舉行簽名會。柏豪為感謝內地歌迷支持，日前百忙抽空出席廣州及東莞簽唱會，每場均有過千歌迷捧場，擠得商場水洩不通。有歌迷為親近偶像，竟通宵排隊，亦有部分歌迷未能進入商場，要站在商場門口睇大電視。大會為免引起混亂，派出數十名保安維持秩序。

心痛歌迷通宵排隊

柏豪甫上台即獲歌迷尖叫歡迎，有女歌迷激動得淚流滿面肉緊攬實偶像，柏豪即輕拍對方說：「唔好咁。」期間有男歌迷向柏豪表白：「我愛你。」嚇得正在簽名的柏豪停筆，並笑笑口說：「你肯唔肯定o架？」男歌迷點頭示意，還要求與柏豪合照。

男歌迷除了示愛外，更要求與柏豪合照。

柏豪形象俊朗，迷倒不少女粉絲。

身為型男的柏豪被取笑成功吸引同性歌迷，他說：「真係估唔到，好直接，我當時都呆一呆。（尷唔尷尬？）唔會，覺得佢整蠱我多啲。」柏豪坦言心痛歌迷通宵排隊：「好擔心佢哋安全，加上好多都係女仔。不過我都有問內地歌迷會，原來佢哋係一大班人輪流排，咁都放心啲。」

文：音樂組