王梓軒笨豬跳玩上癮
歌手王梓軒日前以表演嘉賓身份出席學生跳舞比賽，見他和助手拖住多個行李篋到場，他表示：「我剛剛由廣州趕返嚟，連屋企都趕唔切返，已經四日冇返屋企。」他又自爆在澳門拍攝特輯時，首次試玩離地約233米的「笨豬跳」，問他可感害怕？他大讚：「好刺激，玩到上癮。」
同場任司儀的新城DJ林盛斌（Bob），他稱早前涉嫌偷手機的案件，警方已沒再聯絡他，不過日前卻遇家傭偷走太太一個5至6千元的名牌手袋。Bob稱：「佢約滿要返家鄉，喺佢臨走前一晚，太太發現唔見咗個手袋，個工人承認係佢偷咗，仲運咗去印尼。」Bob因心軟沒有報警，工人只賠償了千多港幣。問他遇家賊可感激氣？他謂：「傷心多過激氣，因為佢同我打咗兩年工，一直當佢家人咁。」
