李詩韻喊技獲賞識

李詩韻在無綫新劇《紫禁驚雷》中與前男友鄧健泓現役女友龔嘉欣合作，開工有不少接觸機會，她接受專訪時被問到會尷尬嗎？李詩韻說：「完全冇尷尬，龔嘉欣係一個好Nice嘅女仔，我哋合作絕對冇問題，開工都有傾有講。其實拍拖分手好平常，佢又唔係我哋嘅第三者，我亦唔係佢嘅第三者，大家光明正大點會尷尬呢？大家唔好用有色眼鏡去睇藝人，希望觀眾正面啲去睇啦。」

李詩韻在劇中經常變「喊包」，因角色淒楚充滿矛盾無奈，但她話喊就喊的演技卻被賞識，她說：「戲裏面好多喊戲，唔知係咪知道我容易喊得出，所以好多場戲都要喊，但事前都要培養感情先喊得出。」

李詩韻認為觀眾認同，滿足感大過攞獎。

李詩韻在新劇《紫禁驚雷》中與前男友現時女友龔嘉欣合作，但並沒有感到尷尬。

觀眾認同最緊要

李詩韻演技近年得到觀眾認同，問她可有信心今年攞獎？李詩韻說：「以前有一段時間恨過攞獎，雖然年年提名都有份，但結果年年都唔到我，依家諗法轉變咗，情願觀眾認同好過攞獎。依家感覺幾好，套套劇都有發揮機會，最開心出街有觀眾認同演技，滿足感大過攞獎。」

採訪：影視組

髮型：Jay@Hair

化妝：Alice@technique

服裝、場地：Alexa & Todd