偉仔送卡地亞婚戒 鄭秀文戥嘉玲開心
鄭秀文（Sammi）昨日出席國際殿堂級品牌卡地亞Trinity精品系列發布會，現場展示了Sammi為該系列拍攝的六個不同造型的照片，表達「All about you forever」的理念。問到Sammi會否自己設計婚戒，Sammi說：「又關事？冇諗過喎！（媽咪留鑽飾嫁妝畀你？）佢啲鑽飾都係我買，曾經買過一兩套貴少少嘅畀佢，等佢畀家姐。」她說推出首張唱片賺錢時，曾買萬餘元的首飾作自我獎勵。
Sammi不肯回應男友有否送過鑽飾，只說：「女士有自己工作能力，買畀自己更開心。（梁朝偉當年買幾千萬元卡地亞婚戒？）我戥劉嘉玲開心，但我認為平貴係冇所謂，最緊要係有心意，每人能力都唔同。（男友送汽水蓋都會嫁？）哈哈！又唔好睇到我咁純情，一個汽水蓋可以快樂如天仙！」