Ice處女下海狂練口技
o靚模組合冬甩的Ice（周梓盈）早前處女下海，為模特兒比賽擔任司儀，超緊張的她為避免口窒窒，早在之前一晚狂練口技：「除咗準備扮靚之外，仲狂讀急口令，希望到時唔好食螺絲。」
Ice自言一向口才不算太好，但入行後經常出席公開活動，令她變得大膽：「以前都會怯場o架！做司儀好考臨場反應，所以今次算係挑戰！」她表示除了繼續做Model，現在還可開發做司儀的路：「嚟緊我仲會繼續做，今次雖然客戶有讚我，但我唔係咁滿意，希望下次表現好啲！」當日有份撐場的冬甩好姊妹Elke（陳芷敏）亦對Ice有讚冇彈，她表示很多稿都是臨時加插，足見Ice轉數快。