姚佳雯潛入污港喊驚
前亞姐姚佳雯最愛潛水活動，原來她已考獲潛水牌年多，可在沒有教練陪同下潛水，享受海底寧靜世界。不過，有次在香港潛水時，姚佳雯因海水渾濁致伸手不見五指，令她大感驚慌。
佳雯猶有餘悸表示：「嗰次我哋喺香港潛，啲水好渾濁，當日同行有個學員因為唔識控制而漂咗上水面，要教練上去幫佢，我於是一個人留喺水底等，雖然係幾分鐘，但海底好黑，伸手不見五指，當時覺得好驚，幾分鐘好似幾個鐘咁耐，所以以後我都會搵人陪，（外地潛水會好啲？）都係，因為水質好，尤其馬爾代夫，水底世界太靚又通透，就算自己一個潛都好舒服。」