Miki晒鼠王宗堯認輸

閒時喜愛練拳的王宗堯，在拳館等候楊愛瑾換衫期間已拚命打沙包發洩精力，待Miki換好全副武裝，Greg即教練上身親身指導，足見他對拳擊運動的熱誠。可惜「天資」有限的Miki無論揮拳或踢腿均表現得「姐手姐腳」，感覺像擺甫士多於打拳，Miki事後表示：「Greg教完我已經好好多，之前上過一次泰拳堂，由於冇人教我正確踢腿姿勢，我踢完成個鐘沙包後，足踝成個位都瘀晒，仲瘀足成個星期。」

王宗堯相約楊愛瑾到拳館，還充當教練指導對方。	放大圖片	Miki力谷僅餘的「小老鼠」示威，令王宗堯哭笑不得。

教防狼招

雖然打拳表現差強人意，但Miki中途冷不防拿出發育尚未完整的老鼠仔向Greg示威，令Greg啼笑皆非。Miki笑謂：「玩一個鐘隻老鼠仔即刻現形，證明我幾投入。」為答謝Greg抽空教拳，Miki以「防狼術」秘技回敬對方，讓Greg日後傍身：「老師教我只要用力拍到對方嘅太陽穴，或者一(月爭)批向對方下巴，個色狼就會好暈，呢啲招數好簡單，一啲都唔複雜。」因電影《喜愛夜蒲》成好友的二人，問到為何如此投契？Greg即說：「我哋等埋位就係咁傾偈，傾傾吓發現大家都想做多啲運動，咪約埋打拳囉！」

文：影視組　場地：榮拳館