Monna打碟響頭炮捽入內地
有「混血E神」之稱的陳靜師妹林宜芝（Monna），早前首次到夜店做DJ打碟，身穿紅色低胸裝的她笑言想「紅」運當頭，處女作順順利利！對於第一次捽碟的感覺，Monna表示勁滿足：「啲歌係我自己揀，見到全場人都鍾意，好有成功感。」她表示想繼續做DJ，不怕許穎及何佩瑜等爭飯食，更有意進軍內地市場。
而當晚Monna略晒事業線，吸引不少男fans狂瞄，但都只是「眼看手沒動」，她說：「有好多保安，大家又隔得咁遠。（試過被博懵？）之前去夜店畀人摸pat，我即刻捉住佢鬧，我好惡架！」