Jeana睇心情可攣可直

Jeana及同門師妹余曉彤（Hidy）前晚舉行fans聚會，並一齊欣賞她們寫真集拍攝花絮。問到影片的尺度有沒有張栢芝被虐片般激烈？Jeana說：「裏面有一輯相，係我攬住條柱玩繩，同埋我被綁住喺床上面『典』。」

Jeana與Hidy打邊爐慶功。	日前Jeana（右）被拍得與金毛女友人夜蒲激咀。	Hidy自爆夜晚跑步時被人非禮。

未被女士追求

早前Jeana被拍得與金髮女友人於蘭桂坊激吻，Jeana大方回應：「佢係我好好嘅至愛。因為佢就快離開香港，掛住嘅情緒就湧出嚟。（關係曖昧？）又未去到曖昧，不過互相愛大家。」她自稱目前沒有被女性追求：「將來可能轉移視線去同女仔發展。依家啲男仔都信唔過，之前去蘭桂坊玩，有啲醉漢會撞過嚟，我會怒睥佢，等佢知佢再嚟我就會發火！」

Hidy曾被非禮

Hidy亦自爆被非禮的慘痛經歷：「十七、八歲嗰陣，我夜晚去跑步，點知有人從後攬住我，仲揸咗我（胸部）一下。我即時大叫，擰轉頭嗰陣，佢已經跑去揸單車走。我嗰陣時好嬲，巴士站明明好多人，但係都冇人幫我手。」

另外，有指Jeana與陳靜拍新片《喜愛夜蒲》時，Jeana非常聽話願意剝衫，結果獲加戲份成為女主角。電影出品人兼監製伍健雄為此解釋說：「真係冇，我哋一視同仁，套戲咁多女仔點加到咁多。劇本一早出晒，大家有晒自己嘅角色，根本唔會加。而且個女主角一直都係連詩雅。」

文：名人組