李冰冰新片揚威不忘本

【張嘉敏上海直擊】李冰冰昨晚現身上海，出席國際品牌ANTEPRIMA新店開幕酒會，現場有六、七位保鏢護送，派頭十足，品牌創辦人及設計總監Izumi Ogino亦專程飛上海主持大局。

冰冰與大會司儀楊崢（左）及品牌高層祝酒。	冰冰見到Hello Kitty形狀的手袋表現興奮。	《雪花秘扇》在國際大獲好評。

目標做出色演員

冰冰憑《雪花秘扇》在國際聲名大噪，被問到若有國際導演找她到荷里活發展，會否嘗試？她即說：「Why Not？只係唔會刻意去諗，自己冇咁多想法，有機會不妨一試。」

她又大讚中國電影很有發揮機會：「依家中國整個大背景都好好，唔單止喺電影，各樣都發展得好好，中國電影喺國際上愈來愈有地位，演員亦好出色，我都想參與其中。我係一個中國人，唔會忘本，同埋中國都會同其他國家有好多合作機會。」

讚貝理雅有大志

另外，冰冰日前撐英國前首相貝理雅在北京的新書發布會，獲對方大讚她在《雪》片的演技精湛，昨晚冰冰回敬十分欣賞貝理雅有大志。冰冰表示經《雪》片製片人兼梅鐸妻子鄧文迪（Wendi）認識貝理雅，兩人已見過多次，她說：「佢同Wendi係好朋友，又係Wendi女兒的Godfather，Wendi曾畀過我睇貝理雅寫畀佢女兒的信，信入面睇到貝理雅對人生的理解，對世界嘅關懷，覺得呢個人好有大志，佢關心整個世界，成個社會所有嘅人，好有抱負，好欣賞佢，可以結識到佢好榮幸。」

冰冰之後在店內參觀，獲大會送上熊貓袋，她高興地拿着手袋離開。同場名模楊崢做司儀，她表示今次帶同媽咪來上海，帶她遊玩及品嘗美食。