囝囝冧爹哋李嘉欣勁呷乾醋
大美人李嘉欣昨日出席Forevermark活動時，同場還有模特兒Alice B.及Malanie Z.。嘉欣表示自己珍藏的首飾都會送給愛兒Jayden的未來太太，即她將來的新抱。至於可會將首飾送給未來的女兒，她說：「唔知，未有plan，唔係特別話好恨要個女，湊一個ＢＢ係唔簡單嘅事，由Jayden出世嗰日已經知道，最複雜係要勞心。（係咪一個就夠？）生係一回事，養同教係超級大件事。」
嘉欣又透露囝囝說ＢＢ語叫她做「吖烏」，她說：「我尋日錫佢時佢話『吖烏』，我同佢講媽咪唔係『吖烏』。（係咪好冧？）叫我『吖烏』我唔會好冧。」她指囝囝十分喜歡爹哋，令身為媽咪的她大呷老公醋，她說：「我老公話佢咁鍾意我，我就咁鍾意個仔，個仔又咁鍾意佢咪啱囉。（你聽完條氣順番？）唔順呀。我依家淨係想一個人鍾意我啫。（囝囝喺你心中地位高過老公？）咁梗係啦，我唔需要掩飾。」
