方大同薛凱琪「拍拖」醫肚鬆一鬆

剛完成一連三場音樂會的方大同難得放假,即相約緋聞女友薛凱琪(Fiona)外出鬆一鬆。前日下午四時半,戴漁夫帽、穿粉紅色連身裙襯黑色打底背心的Fiona,與戴帽兼黑超的大同在中環一間餐廳醫肚。

甫坐下,Fiona只點了熱量較少的沙律,大同則柯打了意大利粉,席上兩人有說有笑,大同更傾得手舞足蹈,氹得Fiona笑逐顏開。兩人離開時,被記者問是否拍拖慶功?Fiona說:「唔係!普通食lunch之嘛。」大同則表現尷尬,只顧耷低頭玩電話,說畢兩人向記者揮手道別。