思琦否認買樓築愛巢
日前有報道指楊思琦偕母及疑似地產經紀的女士到九龍區一住宅參觀，似乎又想入市，思琦昨出席活動時澄清當晚只是探朋友：「佢唔係地產經紀，我哋只係去探朋友。（會所閂咗再開畀你？）佢有住戶證可以隨時入去。（喺街睇地產廣告？）我哋只係等緊杯飲品。」
思琦自與李泳豪宣布分手繼而搭上吳帥後，經常往返內地登台搵真銀，反之吳帥一直傳負重債，思琦一概表示未有多想，亦拒絕一同公開澄清：「你見到佢自己問啦，都唔係講我。（感情穩定？）有好消息話你哋知，依家未係住。近排都忙緊拍寵物節目，見佢哋（寵物）多過見屋企人。（當咗男友係你家人？）吓？咩話？（揀樓眼光好過揀男友？）唔可以咁比較。」