名伶尹飛燕（圖左）前晚設宴收徒，送了一套金碗筷予徒弟梁心怡，林家聲亦是座上客。談到梁漢威離世，尹飛燕說：「我同梁漢威同期出道，佢半年前已經病發，佢嘅離開好令人惋惜，我同佢合演嘅《孝莊皇后》攞過獎，佢走嗰晚，我拎埋個獎去醫院見佢，佢見到個獎都有反應，治喪委員會正處理緊佢嘅身後事。」
