馬浚偉劇終人散down晒

馬浚偉主演的古裝劇今晚將播出大結局，對於辛苦拍攝的作品終於告一段落，他坦言心情複雜，既想結局盡快出街，讓觀眾看到全劇台前幕後辛苦努力的成果，但又怕曲終人散過後，心情會變得失落而依依不捨。

為報仇變得陰險

馬浚偉表示劇集《紫禁驚雷》在他的演藝歷程中佔有舉足輕重的地位，他說：「我從未演過好似聶多寶呢種仇恨心咁重嘅角色，結局周嗰個禮拜，佢會有好大心理變化，為咗報仇，佢會變得好陰險，去到最尾幾集，仲會同馬國明演嘅福全決裂，呢兩個男人會來一個了斷，結局好悲劇，當中仲會有一個嚇人一跳嘅驚天大秘密，我都好期待觀眾對結局嘅回響。」

馬浚偉期望劇集結局收視大收。

《紫禁驚雷》結局，馬浚偉大有臨別依依之感。

與馬國明似兄弟

馬浚偉又指與馬國明合作愉快，他說：「今次拍攝時間短，個劇又係大型宮廷劇，所以都幾辛苦，但台前幕後都好用心，對手馬國明又係個好肯交流嘅演員，加上大家都姓馬，合作得好舒服，friend到好似兩兄弟咁。」

對於收視馬浚偉坦言只是一般滿意，他說：「之前幾個禮拜都係徘徊喺二十六、七點，不過八點半個時段喺我哋個劇上之前收視都係偏低，我期待大結局會有好收視。」

服裝：Paul & Joe @ Elements

髮型：Michael Lam @ iHair.Nail