許穎藐爆叫Jeana收聲

今夏有份出寫真的o靚模許穎（Phoebe）為ontv《娛樂onShow》擔任嘉賓，穿上性感小背心的她與主持人周吉佩（吉吉）親密互動，用即影即有相機互影勁Chok甫士，氣氛搞笑熱鬧！慣行性感的Phoebe個性不拘小節，面對吉吉較為敏感大膽的問題一樣照答可也，被問到在家會否戴胸圍時，她毫不忸怩地表示：「我喺屋企唔戴Bra，因為平時戴會箍住唔舒服，返屋企咪放鬆吓囉！（齋着底褲周圍走？）咁又唔會，費事畀人望到啦！」

大方談露毛照

Phoebe寫真由米原康正操刀，當中的露毛照惹來極大回響，她直言拍攝時豁出去，沒有顧慮：「喺米原康正面前我好似變咗另一個人咁，影嗰時冇顧及太多嘢，下次可能搵再厲害啲嘅！」今年寫真戰爆出寸嘴Jeana四圍辣火頭，更成功辣(慶)Phoebe，兩人淪為死敵，當吉吉問到是否覺Jeana寸嘴，Phoebe即一臉不滿地藐道：「好悶啊又講佢，我覺得佢好黑心，唔出聲好啲，佢講嘢唔好聽，我唔鍾意聽佢把聲囉！」

周吉佩以即影即有相機為Phoebe影靚相。

許穎調皮反拍周吉佩，互動十足。

被極速解Bra帶

除了寫真外，早前Phoebe亦踏足影圈，在《喜愛夜蒲》中演跑私鐘的女生，其中一幕與恭碩良演激情對手戲，對方投入到即興極速解她Bra帶，她笑說：「其實嗰下有少少驚，不知所措，我驚走光惟有壓埋佢度！（對方解得好快？）係啊，真係神奇手，我問過佢點解咁勁，佢話因為佢打鼓o架喎！」想知更多Phoebe的私密事，快Click上ontv啦！

許穎穿上小背心接受ontv《娛樂onShow》主持人周吉佩專訪。

Jeana

文：專案組　攝：沈健程