混血模特兒Jocelyn昨日出席活動時透露，稍後會和老公Anthony搞Spa美容生意，她說：「會由老公主力負責，但我哋都會繼續modelling嘅工作。其實搞生意都係為將來，我哋打算三、四年後生BB，希望將來會有穩定嘅工作同收入。我哋依家已經儲緊筆教育基金畀BB，如果唔係會對佢唔公平。第時生咗BB會放棄modelling嘅工作。」
問到近期的股災對她可有影響？她說：「我從來都唔會買股票，淨係會投資物業同基金。」她又表示十月將會到尼泊爾探訪，以及會攀額菲爾士峰作慈善籌款。
