祖兒驚現胸光：冇擁有過

眾星前晚在會展出席「新城20聲光綻放音樂會」，中門大開的祖兒自言做足防走光措施，黐了成捲膠紙：「我咁平實嘅身形，能夠着出活潑健康同調皮，自己唔介意性感，但唔襯我，之前肥咗，唔知點解好似身材好咗，個人瘦番但（個胸）冇走到，可能好事，冇擁有過，想培養下感情，熟啲先。」

自然升cup的祖兒自爆於髮廊離開時意外以「暴力」推開歌迷，腳踩六吋半高踭鞋的她，因為路途崎嶇，揚言讓她專心行完段路才簽名，未料突然仆一仆，竟一掌推開歌迷去前面！祖兒又大爆在基仔生日會上未能成功締造「巨Lor戀」世紀之吻，自嘆不夠力推基仔，祖兒說希望下年再請她赴會。

謝安琪唱出最近大熱歌曲《唸你》，並大騷長腿。	官恩娜於台上獻唱，散發青春氣息。	關心妍自爆被老公取笑身材冇料到。

基仔：已畀名分

未有放假慶祝生日的基仔，提到大前晚與緋聞女友助手Lorraine在生日會上「公開戀情」，他笑言：「佢哋唱完生日歌唔係講生日快樂，反而係叫Lorraine，都幾有趣。」他對結婚生B冇概念，笑言已給Lorraine一個「得力助手」的名分。又說最近開始尋找工作與生活平衡，他是屬於會閃婚的人，不排除於個唱上求婚。

同場出現的歌手有謝安琪、官恩娜、楊千嬅及Jade，Jade為迎結婚兩周年，老公欲回到當時身形，她積極陪老公瘦身，消脂10磅的她難逃降cup，被老公笑冇料：「件衫係之前喺外國訂，依家鬆咗，老公睇我試嘅時候仲話我『點樣呀？』，要push一push，嗰刻我諗自問都有啲料，我都要push？！」

文：音樂組