陳嘉桓想學芭蕾拉筋
藝人陳嘉桓（Rose）與廖碧兒、名模馬詩慧（Janet）等，前晚出席王仁曼芭蕾舞校活動。Rose笑言有興趣學跳芭蕾，因為十分優美，與打功夫甚大分別，她說：「我個身硬咗少少，如果跳芭蕾舞將啲筋拉鬆啲，可以優美啲。」
廖碧兒則專程返港拍攝英語飲食節目，對有指她與佘詩曼簽了同一間內地公司後淪為大配角一事，她謂：「唔係，我喺無綫都有拍過主角或者配角，角色有挑戰性就得。」
而Janet則攜同愛子到場，透露二女王麗嘉剛去了美國讀書：「其實都幾突然，比我預算早咗。佢同爸爸密謀咗好耐，不過我覺得佢太細，冇家姐咁成熟。（讀乜？）去一間高爾夫球學校，佢鍾意運動，佢爸爸又鍾意打高球，所以推波助瀾。」她表示十分不捨，前兩天哭得連眼睛都張不開。