超雲山聰玩夠秘密返港

何超雲自三月離港返英國後，便一直沒有在港現身，而陳山聰亦一於跟到底，陪女友周遊列國，好不疏乎！本報昨日收到一個匿名電郵，內容指超雲和山聰日內會秘密結伴返港。據知，山聰為免被指終日瘟女，早前身在外地的他特意廣電身邊人，以示自己早已回港「工作」。

監製稱「佢返咗嚟」

記者致電他將有份演出的電視劇監製李添勝，問到陳山聰將返港？他說：「佢返咗嚟啦，佢打咗電話畀我，我助手安排緊叫佢日內嚟聽劇本，（點解你堅持用佢？）因為個角色夠浮誇，啱佢做，（怕唔怕佢形象負面同埋又無故失蹤？）都事過境遷，（佢同超雲散咗？）我唔知呀，我都係睇報紙。」

陳山聰	日前陳婉珍（左）與賭王晚飯，只見超蓮，未見超雲。（資料圖片）

超蓮同克羣冇避忌

此外，前日超雲胞妹超蓮與女友人現身中環，期間記者問她與吳克羣關係？她即說：「冇乜點，普通朋友，我同佢冇嘢，（咁唔小心畀人影到？）我覺得冇咩問題，我哋只不過係普通朋友，（以後小心避忌啲？）唔需要刻意避忌。」她又謂不喜歡被指是追星族。記者笑問吳克羣的外形有幾分？其友人即在旁提點說：「呢個唔好答。」言畢兩人便直奔港鐵站離去。

文：名人組