陳法拉章宇昂鬼聲鬼氣一拍即合

操唔鹹唔淡廣東話的陳法拉與無綫新人章宇昂「鬼聲鬼氣」，今次合作新劇《潛行狙擊》可謂一拍即合，法拉更坦言被宇昂的一場跳舞戲份所吸引，她說：「嗰場戲令我好驚喜，覺得佢準備同發揮都好好，吸引到天華同松哥（劉松仁）都一齊睇，天華都話忍唔住想露番兩手。」

幸獲前輩教導

對新人來說，拍攝時鏡頭的位置、講對白的技巧與演技等等都需要去學習，宇昂自言在拍攝期間幸獲不少前輩教導。不過除了有關拍攝的工夫外，師姐法拉對他的廣東話亦幫助不少，宇昂說：「我知道法拉初時嘅廣東話都唔好，佢都叫我練多啲，講嘢唔好用英文代替。不過我哋兩個溝通都會易啲，大家都聽得明大家講咩。」

陳法拉向章宇昂教路，叮囑對方做新人的「規矩」。

放大圖片

不怕飾演壞人

同樣做過新人的法拉就叮囑對方做新人凡事都要靠經驗賺來的，演戲時就要懂得收放自如，去將自己的真實性格釋放，要作大膽嘗試，不要怕羞。於新劇飾演壞人的宇昂，揚言不怕給觀眾一個壞印象：「咁大家知道我唔壞咪得囉，只要表達到個角色諗咩就無問題，我都係做番個角色。」

採訪：影視組　場地：E-Max MENU 豐膳西餐廳　化妝：Annie G Chan　髮型：Debby Kwan @ Hair