周迅古天樂過招頂癮

貴為影壇巨星的周迅和古仔，雖然在電影上未有機會合作，但兩人在廣告上卻是老拍檔，他們身為某品牌果汁飲品代言人，今次是第四度合作，拍攝時早就駕輕就熟，由於劇情需要，兩人要用匙羹當劍擊過招，廣告商特別請了劍擊師傅現場指導，古仔和周迅一學即曉，擺起甫士時似模似樣。

貴為影壇搶手貨的古仔，拍攝了數十部電影，但原來還未有機會跟周迅在影壇過招，古仔笑說：「今次拍攝有動作成分，周迅成個俠女咁款，下次再拍不如真係打，我哋用真劍、真刀拆招，最好喺竹林取景，有晒電影feel，講開原來我同周迅未合作過拍戲，佢係影后級人馬，自己好想有機會同佢拍番部好戲。」

「囡囡」怕醜臉紅

古仔和周迅在廣告扮演夫婦，用匙羹打劍擊，在旁的囡囡就趁機偷飲，扮囡囡的小女孩已經第三次跟他們合作，但每次見到古仔都表現怕醜，令古仔以為自己冇小孩緣，後來他跟小女孩的媽咪傾偈，才知小女孩是他的fans，見到他才會怕醜臉紅。文：音樂組