區文詩變省鏡疑整容

餅碎區文詩(Angela)日前自爆與拍拖多年的男友鈴木仁分手,受情傷的她反而變得更「省鏡」,眼大兼鼻直,惹來「整容」疑雲,Angela昨日否認說:「冇整過,人大咗個樣會唔同,加上化妝技巧,又戴咗大眼仔同黐眼睫毛。」由於她現時的樣子激似其好友何紫綸,Angela說:「其實我當年同張栢文拍拖時,都好多人認錯我哋。(抗拒整容?)我唔會,亦都唔希望身邊朋友去整。」問到怕不怕別人將其新舊相比較?Angela說:「要都冇辦法,清者自清。」她更笑說:「終於傳我整容喇,真係勁開心,有人講即係靚咗。」