官恩娜匿埋避見吳卓羲

曾傳緋聞的吳卓羲與官恩娜前晚同時出現電視廣播城,為不同節目錄影。雖然二人坦言不知對方在場,但態度明顯有異,Ella訛稱化妝間太多人要於另一邊化妝,明顯有心迴避「舊愛」。

吳卓羲(Ron)與張智霖等前晚在電視廣播城為《勁歌金曲》錄影,而官恩娜(Ella)及伍詠薇亦於同時間在另一廠出席《變身男女Chok Chok Chok》玩遊戲,雖然Ron與Ella這對舊緋聞男女二人異口同聲表示不知對方在場,但大方程度就有天壤之別!

必定打招呼

Ron被問與Ella碰頭會否打招呼?他謂:「會,見到面梗係會打招呼啦!之前喺公開場合都見過,大家都有打招呼。」至於一直躲在錄影廠的Ella則否認刻意避開Ron,她謂:「唔係呀!一嚟我啲同事就話嗰邊化妝間冇晒位(註:化妝間是不會冇位),安排我喺呢度,我唔知佢喺度。(咁如果知呢?)都冇所謂,識嘅都會打招呼,見到人唔打招呼好冇禮貌o架!」記者問再Ella若與Ron見面會否來個熱情擁抱?她無厘頭稱:「希望今晚會贏啦!」

工作度生日

此外,Ron透露前晚是其舊曆生日,母親已準備利是給他。他又指九月初的新曆生日會於工作中度過:「套劇拍到九月中。(請一日假慶祝?)唔使啦!我心願係快啲拍完呢套劇,因為天氣辛苦,啲裝備又重。」

提到他的緋聞女友張馨予與其粉絲在網上隔空罵戰,Ron表示不知情,但希望fans可以冷靜,誰被攻擊都不是好事。問到會否叫張馨予忍讓?他謂:「呢啲佢哋自己會處理,我唔參與其中。」

文:影視組