黃智雯學AV女擺姣甫
無綫女新人黃智雯於新劇演臥底，為拍攝一場「放蛇」戲上演制服誘惑兼性感老師造型，由於不諳豪放動作，事前特別搜羅AV女優的甫士，以手機拍下有空便拿出來模仿，笑言擔心被誤會有另類癖好。
在新劇《潛行狙擊》中演臥底學員的黃智雯，與郭政鴻、MC Jin、謝天華不乏對手戲，不時要在街上喪跑，拍攝時天氣炎熱，辛苦非常。
手機藏片
談到印象最深刻的，可算一場「放蛇」戲，智雯說：「因為有幾個造型，要扮妓女、性感Miss、學生look等三、四個扮相，我要着短褲、啲衫又跌晒膊，我又冇呢方面經驗，咪去啲AV網參考佢哋啲甫士，仲要用電話影低，得閒拎出嚟睇，順便學吓點擺囉。」她自爆該批照片至今尚留在手機中，擔心若然不經意被別人發現，分分鐘被誤會有另類癖好，惹笑非常。
讚MC Jin
智雯首次與MC Jin合作還要有感情線，她大呼好玩：「起初擔心大家要相處一段時間先投入角色，點知一碰頭佢就鬼咁好傾，令我壓力大減，可能佢喺外國返嚟性格唔同啲，好好玩，係個好好嘅對手，有時仲會一齊講劇情，冇咩架子，搞到我連拍感情線都輕鬆啲。」
目前智雯正忙於拍攝新劇《On Call 36小時》，今次飾演實習醫生，與楊怡及羅仲謙展開一段三角戀。
文：影視組
攝影：唐豁莊