梁漢文（Edmond）昨日出席電台訪問，大方透露日前已相約公司老闆龐維仁見面傾「家事」，他說：「佢派少少定心丸畀我，話畀兩、三個月時間佢，到時一切都會好，叫我放心同畀信心佢。（簽長約？）畢竟我入行都成十幾年，唔會長啦。」
Edmond坦言金牌大風的人事變動對他全無影響，他說：「今次續約我搵咗律師去傾，好多細節都有寫喺合約入面，好似一年出幾隻碟同幾年內要開演唱會。（過往簽合約冇搵律師？）冇o架，靠個信字，今次老婆同朋友都建議我搵律師。（舊時冇請笨咗？）人需要笨過先會唔笨。」
