謝天華女粉絲爭摸失守面紅

藝人謝天華與陳法拉聯同劇集《潛行狙擊》演員，到旺角一商場宣傳，大批市民圍觀一睹偶像風采。期間謝天華與陳法拉走近圍欄為市民簽名和合照，而謝天華背後突然出現兩名熱情女fans，用手搭他的膊頭和手臂，令謝天華一臉尷尬，並說：「搞到我面紅。」事後他表示並不介意，他說：「明白fans都想見到真人，掂到都好正常。（咀你都可以？）我事先要知囉。（樣靚先得？）唔係樣問題，失驚無神我會驚，要徵求咗先，突襲就唔好。不過佢哋都好有禮貌同好斯文咁掂吓啫，又唔係掃我背。」

有信心做視帝

現場謝天華公布劇集最高收視為三十三點，問到是否有信心角逐視帝？他說：「依家距離頒獎禮仲有一段日子，如果多啲收視和觀眾支持就會有信心。（想做視帝？）每個父母都想仔女考第一o架啦，以藝人角度個個都想好成績。（有信心？）每一件事都會有信心。」

放大圖片	陳法拉表示男友亦有追看其主演的劇集，更會給她不少意見。

而陳法拉也表現落力，為觀眾簽名時不慎露出背心吊帶也在所不計，又表示男友亦有錄起劇集收看，她說：「佢話估唔到我做到女警官個樣。（你平時小鳥依人？）唔係，大家有咩事有商有量。」

文：影視組