李泳豪昨日到電台接受《巴巴閉邊個夠我查篤撐》訪問，被楊思琦狠撇的他是否已放低過去，他表示：「依家答你唔到，我自己都唔知，仲係好混亂！」他即將返無綫開劇，稱就算遇見思琦亦不會感到尷尬，至於二人可會合作？泳豪則說：「假設性問題唔答，不過做嘢梗係冇嘢！」另外，早前泳漢多次向傳媒數臭思琦，問泳豪哥哥的說話是否屬實？他卻表示：「唔講喇，阿哥都係錫我啫！」
