陸永囝囝改名六合彩
陸永、C君、Jeana、Hidy及黃婉曼等昨出席公開活動。陸永大方承認任職地產的二十二歲女友意外有孕，預產期為明年三、四月，現打算下月低調註冊，之後兩家人食飯慶祝。他更抵死謂：「搵咗麥玲玲幫手擇日，BB未知性別，不過我諗住叫佢『六合彩』或者『六通拳』囉。」其拍檔C君被傳情變，當事人連聲否認：「大家睇吓囉，我哋諗住會大排筵席，所以最快要出年年尾先結到婚就真。」
Hidy開玩笑叫Jeana做「契媽」，Jeana即無厘頭回應﹕「做契媽冇興趣，不如做奶媽啦。我想儲錢『升級』，遲啲畀醫生驗查吓先。（你健康有問題，定係想隆胸、整容呀？）兩樣啦，不過未知呀。」
