謝天華出招chok住鬥

謝天華於《學警狙擊》中Laughing哥一角深受歡迎，現在播映中的《潛行狙擊》中，亦只得他的角色是連貫上一輯，其餘劇中角色、故事都是全新的，問天華會否拍攝上因此而有所影響時，他表示不會，反而拍得更有新鮮感。今次天華於劇中與黃宗澤（Bosco）有不少對手戲，說到戲份時，天華謂：「戲份唔可以攞把尺去度嘅，我同Bosco第一次合作，但出奇地有默契，大家未埋位嗰陣，都會研究點拍，點可以拍得chok啲、好睇啲，大家一講出嚟，亦知對方要乜，呢啲對手都好難遇。」

行埋講吓男仔嘢

天華又指平時拍攝空檔期間，都會跟Bosco談天說地，他笑言：「我哋年紀其實唔係相差好大，大家行埋都會傾吓車、傾吓男仔嘢，（覺得Bosco這個後輩點？）每個演員都要有進步，我自己都要，呢個係每個人嘅成長過程。」

謝天華演戲只求演得過癮。

謝天華首次與黃宗澤合作，二人已相當有默契。（資料圖片）

Laughing哥冇壓力

拍罷《潛》劇後，公司亦會開拍Laughing哥系列電影，每次每問到天華會否覺得壓力一次比一次大時，他都會指自己沒壓力，他說：「我好簡單，我只係做好自己啲戲，已經感到好過癮、好開心。」說到收視責任往往都落在主角身上時，他則表示：「呢個已經係以前嘅睇法，依家啲觀眾好聰明，識得去分辨。」

文：影視組

攝影：唐豁莊

化妝：Eleena Yu

場地：Dan Ryan's