Alina校準34E導彈胸襲娛圈
書展、動漫節相繼落幕，對於早前有o靚模靠是非上位，冬甩成員、「E Cup官恩娜」Alina（何綽菲）自然不屑一顧。天生擁有34E驕人上圍的她，決心憑這過人「實力」在娛圈上位。
冬甩成員、「E Cup官恩娜」Alina（何綽菲）今年首次加入寫真大軍，毫不吝嗇展現個人天賦的她在書中賣大包，着上多套少布比堅尼及內衣騷其逼爆E Cup上圍，甚至半裸在床上典來典去。
對於近期有o靚模靠是非上位，她嗤之以鼻：「要靠是非、緋聞上位都唔會長久！呢啲唔係我嘅優點，我知自己嘅優點係身材，會靠自己實力上位！」Alina短短時間已吸納一批宅男粉絲，每次出活動都會沖定蜜糖水撐偶像，而她更會親筆回覆粉絲來信，難怪氹得一班宅男暈頭轉向！
外表豪放 內心騰雞
雖然她表面豪放，但實質骨子裏卻相當騰雞：「之前未影過咁大膽嘅寫真，都有啲驚，喺床上面影嗰張相入面真係乜都冇着，好彩有清場，攝影師都好專業！」
除此之外，作為新人的她，亦不想被定型為「三級女星」，所以早前推掉三級片《蜜桃成熟時33D》。雖然她不介意行性感，但底線是三點不露，因此電影中關於她的戲份並無裸露，但她不想第一次拍電影就接拍三級片。始終，Alina只是新入行，還有不少機會發展。
PROFILE
Alina （何綽菲）
綽號： E Cup官恩娜
年齡： 20歲
三圍： 34Ｅ、24、34
簡介： 16歲入行，曾任07及08年「亞洲遊戲展」Game模，拍過Clean&Clear潔面用品廣告
攝：吳文聰
泳裝：ROXY
文：專案組