張家輝操肌唔嗅米氣

張家輝為了新片減肥半年,半年來飯不沾口,練得一身結實肌肉。電影終於開機拍攝,家輝在片場終可再嘗白飯滋味,並一口氣打足十小時,狀態大勇。

影帝張家輝為了周顯揚執導的新片《大追捕》,開拍前半年已積極減肥狂操肌肉,結果半年內減至117磅,並變成鋼條身形。地獄減肥半年,張家輝與飯絕緣,直到日前電影正式開工拍攝,家輝才開齋吃了第一口飯。

已有半年「唔嗅米氣」的張家輝笑說:「唔記得幾耐冇食過白飯,覺得呢口白米飯好香。雖然只吃得一口飯,但精神上暫時也可以支持我踩落去啦。」辛苦經營回來的體形,令張家輝不敢鬆懈,拍攝時更隨身帶備輕便的健身工具隨時鍛煉。

打到撼頭埋牆

全身又瘦、又黑、又乾的張家輝,笑言很多朋友看見他的身形替他擔心,以為他患有重病,朋友又不敢開聲發問,但一問自己又要逐次解釋。

導演周顯揚一開工便要家輝打得死去活來,又要撼頭埋牆,令家輝在打的過程中曾試過有幾次出現頭眩感覺,需要停機稍作休息,周顯揚說:「佢苦練成一身李小龍身形,梗係要好好利用,我都係想佢先苦後甜,將重頭戲放喺前面拍攝。」

文:影視組