謝天華偷師Chok不相讓
無綫藝人謝天華、徐子珊及黃宗澤（Bosco）、陳法拉等昨日出席宣傳新劇《潛行狙擊》，Bosco大爆謝天華無論於劇中及現實中均Chok爆，又笑言他與其他Chok星Chok不相讓！而天華聞言即謙虛表示自己只是向前輩偷師。
徐子珊昨日特地穿上印有角色名稱「Paris」字樣的T恤出席劇集《潛行狙擊》的宣傳，她笑言大為不滿其劇中另一半Bosco的「鬍鬚Look」，Bosco聞言即表示：「佢由開劇嘅第一日嫌我到最後一日，又話我似佢老竇！」在旁尷尬陪笑的Bosco則大爆謝天華於劇中Chok爆：「天華現實中都Chok。」他表示天華與其他Chok星Chok不相讓。
未開播已獲好評
對於被Bosco笑Chok爆，謝天華毫不在意的表示：「啲前輩都係咁Chok架啦，我都係學嘢要偷師（咁謙？）我呢啲叫謙Chok！」同時，他又表示該劇於宣傳期間已得到不錯的回響，問到他預計中收視？他即笑說：「如果計埋網上嘅一定好多，我希望會係喺近期收視有唔錯嘅成績。」
江美儀開心有市
早前有報道指江美儀於內地拍劇時「暗撻」敖嘉年，她表示對該報道「得啖笑」，同時又澄清：「張相係我拖住佢過馬路，大家都知大陸過馬路好危險，點知就畀人有無限嘅想像空間！」問到她其男友可有在意報道？她笑說：「佢仲同我商量點澄清，不過都好嘅，報道出街之後畀佢知我仲有市場，之後佢都對我緊張咗！」
文：影視組