為父當機師 趙式芝愛天際翱翔
富商趙世曾女兒趙式芝（Gigi），擁有直升機機師牌兩年，一到周末就會揸直升機周圍遊，她透露當初學揸直升機完全是爹哋意思，她說：「爹哋叫我學，方便佢第時要坐，有人即時幫佢揸，又可慳番請飛機師，依家好多時佢去遠嘅地方都叫我載。」
Gigi謂慢慢愛上空中飛行，一有空就載朋友吹吹風，當日莊思敏與她同行，Gigi特帶她圍繞港島一圈，她說：「依家好享受飛行樂趣，我成日會載朋友遊飛機河。」Gigi又透露現亦進修小型飛機增值自己，不過進展緩慢，她說：「因為學小型飛機場地有限，只有石崗先可以學，而且只係開放星期六、日，所以好多人爭，加上我依家返咗爹哋公司幫手，就更加冇時間。」
