Ana R.撰愛犬寶典

一年一度的書展剛剛閉幕,一連七日的展覽人潮湧湧,證明香港仍有不少愛書之人。不過,除了做讀者,大家有否考慮過執筆當作家,將心得及感受滲入字裏行間?兩大名模熊黛林及Ana R.均屬愛狗之人,二人異口同聲說想撰寫宣揚愛惜狗隻以及狗仔食譜的書籍,計仔多多的Ana還想出本「儀態教科書」,教女士如何行出優美姿態的高踭鞋攻略!

《The Glamour Goddess Fashion Show 2011》

Ana R.﹕「我想出一本教人點着高踭鞋嘅書,可能會畫埋個Foot Map,成日見啲女仔着咗唔識行,我着高踭鞋可以話係專家!另外,我仲出狗仔食譜,教人煮健康有益嘅食物畀狗仔食,我隻狗嘅一日三餐,都係由我親自下廚,所以我對呢方面好有心得!」

甄詠珊﹕「我想出烹飪書,針對男士以及新婚而又冇乜下廚經驗嘅女士,教佢哋煮啲簡單又好快完成嘅菜式。」

李雨陽﹕「依家寫真氾濫,好多肉,我想寫啲男仔書,例如講下做運動、教人砌模型,希望健康啲。」

Furla着活動

熊黛林:「希望透過本書可以令多啲人關心小動物,對小動物有多啲愛心。我睇到虐待狗狗貓貓嘅新聞真係好唔開心,好憤怒,嗰啲施虐嘅人一啲良心都無,太殘忍,好想打佢哋。」

張舒雅:「我好鍾意食嘢,係食極唔肥嘅人,每次食嘢我都會影低,做個記錄同埋可以回味一下。我爹哋媽咪仲有朋友都話我應該出美食書!」

劉心悠:「環保係依家大家都關注嘅Issue,想出一本以漫畫為構思嘅書畀小朋友,用立體嘅形式表達。」

潮買潮着潮模Show

余曉彤(Hidy):「想出自傳,因為我人生中經歷好多風雨,都想畀人認識自己。」

陳靜儀(Mia):「想好似大S徐熙媛咁出本教美容扮靚嘅書,我細個返學時已經開始化妝!」

盧頌之(DaDa):「想出本日記,寫吓感受同影啲Snap Shot記錄當時嘅感受,不過啲相唔係行性感,係感性!」

裴殷(A Lin.):「想出旅遊書,平時鍾意自拍同去旅行,會影低啲得意嘢,暫時最想去葡萄牙,好有藝術氣氛,同埋有好多靚仔!」