古巨基飯桶童年一波三截

花名叫波基

古巨基昨午出席奶粉宣傳活動，變身古Sir的他為參加遊戲的小朋友改花名之餘，又提供私家爛Gag IQ題娛樂大家，場面爆笑！基仔表示活動主題是講兒童偏食問題，自爆小時非常大食，特別愛吃零食：「鍾意食雪糕、魚蛋嗰啲冇益嘢，我細個用湯碗食飯架，食一至兩碗，細個已經可以着阿爸條褲。」

講到肥仔往事的他不忘送上爛Gag：「我有個花名叫『波基』，成個波咁，仲係一波三『截』添，一截截啊，好彩後尾長高拉長，由原本球狀變條狀！」他又透露小時不愛運動，除踢波揀守龍門唔使郁外，上體育堂亦不時扮肚痛詐病：「運動會咪做設計場地囉，都會參加一項半項比賽，跑馬拉松嗰啲，啲人唔知我跑緊第幾個圈嘛！」

基仔與小妹妹玩IQ題。

基仔化身古Sir，和小朋友搞爛Gag放笑彈。

現食無定時

基仔坦言到現在仍有「大食症」，因做藝人食無定時，有時只一日一餐：「依家飲食上都唔夠均衡，唔定時定量，呢排忙拍戲同預備演唱會，身邊同事都會瞄住我，睇緊我嘅體重。」

文：專案組