宣萱2年情玩完：價值觀唔同
恨嫁的宣萱與獸醫男友Ruan拍拖兩年多，屢傳婚訊，今年四月曾有傳她斥資千萬買愛巢於明年結婚，日前二人更拍拖睇李克勤演唱會，不過不出一周，宣萱昨日接受記者訪問時，坦承因與男友價值觀不同而分手，未知是否因逼婚不遂。
40歲宣萱與比她年輕四年的南非籍男友Ruan自09年拍拖至今，女方對外表示雙方思想一致，情投意合又愛狗，已視對方為結婚對象。
逼婚不遂斬纜
宣萱坦言想效法Lisa S.與吳彥祖於南非完婚和計劃婚後趕快生B，而周前她更與男友拍拖捧李克勤演唱會場，當時二人還表現得很Sweet，正當人人等她宣布婚期時，宣萱日前卻宣布與男友分手，令人十分愕然。
宣萱昨日向本報記者淡然表示，她與男友分手非一日間的事情：「我已經用咗兩年時間去觀察，發覺兩人的價值觀好唔同，既然唔work就唔再一齊。（唔開心？）唔開心一定有，人大咗，分手唔係晴天霹靂嘅事，我同佢仲係朋友。」
據知，恨嫁的宣萱與Ruan經常就結婚問題發生拗撬，宣萱在逼婚不遂下，不想再荒廢女人寶貴的歲月，惟有忍痛「斬纜」。
暫未有追求者
宣萱與Ruan再見亦是朋友，而她亦透露最近有跟初戀男友聯絡，即令人聯想到宣萱可會如莫文蔚重遇初戀男友便即結婚，宣萱說：「係咩？真係咁？幾好喎！（你同初戀男友有冇翻撻機會？）佢已經結咗婚生咗小朋友嘞！生活得好開心！」
問到身邊有沒有追求者？宣萱說：「冇呀！感情嘅嘢隨緣啦！我已經交畀個天安排，要嚟就嚟！我啱啱喺新加坡拍完劇返港，都想見吓班朋友先！」
文：影視組