藍奕邦玩野性唱盡夜生活

藍奕邦快將推出全新大碟，唱片公司特意為他於8月5日至7日舉行《又燦爛又糜爛之夜》音樂會，他的主打歌《晚晚禮拜六》題材涉及到夜店生活，歌詞寫到：「暖香檳拿來淋浴，再着住制服，告誡着瑪莉亞太折福」，他坦言出街前擔心被電台、電視台禁播，豈料反應非常好，收到行內人不少的「like」，他說：「呢首係比較野性嘅歌曲，我怕啲歌詞敏感會禁播，但原來聽眾比我想像中開放，接受度都幾高！」

無教壞細路

藍奕邦坦言今次新碟以八十年代作為元素，連他的造型都是油頭、高腰西褲加皮鞋，他說：「依家夜場畀人好負面嘅感覺，啪丸、索K，但係八十年代Disco就完全唔同，大家落去係真係想跳舞、想發洩，依家啲人收工淨係對住部手機、電腦，日做夜做都唔識抒發自己生活。」

藍奕邦坦言歌頌夜生活並非要教壞細路，早於八十年代梅艷芳、陳百強、張國榮，甚至早期少少的羅文，很多歌詞都是圍繞住夜生活，他說：「近年樂壇好多好正面嘅歌曲，不停將正能量發放畀大家，慢慢就會發覺自己好空虛，淨係有出冇入，我只係想做自己開心嘅音樂，咁樣先真真正正畀到由心而發嘅正能量畀人！」

重返排舞室

藍奕邦透露為音樂會重返排舞室，練習一些肢體的基本功，他說：「我選擇得行呢條路，預咗一定會有歌迷唔鍾意，既然決定咗就一心一意去做，只係想大家可以同我一齊去迎接呢次改變。」

採訪：卓藍