岑麗香愛「君如」夢
樣子甜美的岑麗香（香香），挾2010國際中華小姐冠軍之名加入娛樂圈，雖然年屆27且沒有演戲經驗，但未懼一切競爭，只求令自己的人生添上色彩，還希望與吳君如和周星馳有合作機會。
香香當選華姐前，在溫哥華的大公司做過行政人員，還兼職教英文，因參加選美接觸娛樂圈，發覺對此行很有興趣：「細個時睇香港小姐，都有幻想過做娛樂圈，依家真係夢想成真。」香香說時流露出小女孩般的興奮。
不過，以27歲之齡入行，年紀算稍大，跟年輕一輩競爭豈非很輸蝕？香香依然雀躍：「係呀，選美時我係最大嗰個，但我心境年輕，我選美唔係要同人比較，係想經歷多啲，發掘自己，之前就發掘咗鍾意演戲，我對呢行真係好有興趣，喺屋企等工作簽證半年，日日都睇住信箱，等到嗰一刻好興奮。（屋企人支持？）我開心佢哋就支持。」
睇周星馳學中文
雖沒有演戲經驗，但有另一優點，就是有北派少林功夫底，她自知還要學好廣東話、唱歌、跳舞，問她最想跟誰合作？她再興奮地說：「最想同周星馳、吳君如合作，由細到大睇周星馳啲笑片學中文。」香香來港展開她人生新一頁，亦希望借機多學習，豐富人生，將來有個美好回憶。
文：影視組
場地：Hair
攝影：沈健程