歌手吳彤（Denis，圖）早前出席活動，原來他亦是一位愛狗之人，不過Denis透露兒時亦有慘痛經歷，令他留下陰影。
Denis表示小時候住在荃灣，該區因有不少流浪狗，所以常有捉狗隊出沒，而其愛犬更慘成目標，他說：「本來養咗隻大狗叫Lily，我哋會畀Lily出去四圍走，點知有日捉狗隊捉佢，可能以為佢都係流浪狗，搞到我依家養狗都有陰影，淨係養細狗同放喺屋企！驚再畀人捉咗隻狗。」Denis更奉勸大家不要把動物當做禮物：「之前家姐諗住送隻狗仔畀人，點知人哋唔接受，最後隻狗仔仲因為狗瘟而死，好心做壞事！」
