羅仲謙Call女開船P

導演葉念琛、佘詩曼及羅仲謙等前晚在尖沙咀出席電影《人約離婚後》慰勞宴，慶祝新片上映6日已達300萬元票房，並以「爆波」寓意場場爆滿。謙仔坦言滿意成績，並揚言若票房破千萬便「Call女」着三點式開船P慶祝：「雖然今年夏天未騷過，但個胸仲見得吓人！」但遭阿佘以「怕曬」為由婉拒：「睇吓點先，好耐冇着泳衣。」問到同片多o靚模，會否效法她們出寫真？她即耍手擰頭：「冇咁大膽，咁多青春少艾！（當留倩影囉！）港姐嗰陣着泳衣都留夠啦！」