梁榮忠（圖左）頂替梁思浩（圖右）主持電台節目，昨日兩人在書展簽名會打對台，梁榮忠竟過界踩場說：「前輩，送本書畀你，多謝指教。」思浩尷尬收下，有fans睇唔過眼高叫：「嘩，抽水呀。」事後思浩抵死說：「人哋係咪嚟抽水，藝人都冇得出聲，但係fans會出聲，當時突如其來自己都唔知點反應。」而梁榮忠就強調是思浩離開電台，他才頂替其崗位：「唔係我用乜手段爭返嚟。」
